ઉમરાળા તાલુકાના ખેડૂતોને કપાસના પોષણક્ષમ ભાવ આપવા પ્રબળ માંગ

.... -

---

February 03, 2024 ઉમરાળા : ઉમરાળા તાલુકાના ખેડૂતોને કપાસના પોષણક્ષમ ભાવ આપવા પ્રબળ માંગણી ઉઠી છે. ખેડૂતોને આ વર્ષે વધુ ખર્ચ, ઓછું ઉત્પાદન થવાથી મણદીઠ ૧૯૦૦થી ૨૦૦૦ રૂપિયા ઉપજે તો જ પરવડે તેમ છે.
ઉમરાળા તાલુકામાં મુખ્ય વાવેતર કપાસનું થાય છે. સામાન્ય ચોમાસામાં કપાસનો ઉત્પાદન ખર્ચ અન્ય પાકોની તુલનાએ વધુ થતો હોય છે. તેમાંયે ગત ચોમાસાના શરૂઆતના મહિનાઓમાં સતત અને સામાન્યથી વધુ વરસાદ વરસવાથી નિંદામણની મજૂરી, આંતરખેડ, ખાતર, જંતુનાશક દવાઓ વગેરે પાછળ ખેડૂતોએ વધુ પડતો ખર્ચ કરવો પડયો હતો. આવો ખર્ચ કર્યા પછી ચોમાસાના અંતિમ ચરણમાં કપાસના મોલ/ફાલ માટે જરૂરી વરસાદ ન થવાથી કપાસનું ઉત્પાદન ઓછું થયું છે. આ રીતે વધુ ખર્ચ અને ઓછું ઉત્પાદન થયા પછી કપાસના ભાવ ગગડી જતાં આ પંથકના ખેડૂતો માટે પડયા પર પાટું જેવું થયું છે. ગત દિવાળી આસપાસ કપાસનો મણદીઠ ભાવ રૂા.૧૫૦૦ જેવો હતો. ઉત્પાદન ખર્ચની તુલનાએ આ ભાવ ઓછા હોઈ, પોષણક્ષમ ભાવ મળવાની આશાએ કપાસ રાખી મૂકનાર ખેડૂતોએ હતાશ થવું પડયું છે, કારણ કે, ભાવ વધવાના બદલે ગગડી ગયા છે. કપાસના આ વર્ષના ઉત્પાદન ખર્ચની તુલનાએ મણદીઠ રૂા.૧૯૦૦થી ૨૦૦૦ ઉપજે તો જ પરવડે તેમ હોવાનું કપાસના ઉત્પાદકોનું કહેવું છે. પોષણક્ષમ ભાવ મળે તેવો પ્રબંધ સરકાર કરે તેવી ખેડૂતોની માંગ પ્રત્યે હજુ સુધી ધ્યાન અપાયું નથી. આથી આ વિસ્તારના કપાસ ઉત્પાદકોમાં હતાશા ફેલાઈ છે.

---

Share to ....: 209    

Most viewed

• Indian Cotton Exports Soar: Projections Reach 22-25 Lakh Bales for 2023-24 Season
• Godrej Agrovet’s crop protection biz unit launches pilot to reach out to cotton growers
• India’s cotton panel CCPC estimates higher crop, export and consumption
• जिरायती कापसाचे पीक यंदाही तोट्यातच
• Cotton Declined After CCPC Increased Crop Production For The Current Season
• Cotton production report 2024 – कॉटन के उत्पादन अनुमान में 5.30 फीसदी की बढ़ोतरी, 309.70 लाख गांठ की उम्मीद
• यंदाच्या हंगामात 25 लाख क्विंटल कापसाची आवक, कोणत्या बाजार समितीत किती आवक?
• महाराष्ट्र की इस मंडी में 8300 रुपये क्विंटल हुआ कॉटन का दाम, क्या कह रहे हैं किसान
• किसान इस समय पर करें कपास की बिजाई, कृषि विभाग ने दी किसानों को सलाह
• Picking underway for Australian cotton with above average crops expected: Cotton Australia