आलापल्लीत 24 लाखांचे अनधिकृत कापूस बियाणे जप्त

... -

---

June 05, 2021 आलापल्ली येथील तुकाराम पेरगुवार यांच्या घरी असलेल्या गाेदामात हे प्रतिबंधित बियाणे ठेवले असल्याची गाेपनीय माहिती कृषी विभागाच्या अधिकाऱ्यांना मिळाली होती. त्यानुसार पाेलीस विभागाच्या मदतीने कृषी विभागाच्या अधिकाऱ्यांनी धाड टाकली. त्या गाेदामात २ हजार २७० पाकिटे कापूस बियाणे व ३५० किलाे खुले बियाणे आढळून आले. शासकीय दराने त्यांची किंमत २३ लाख ६४ हजार ४७२ रुपये हाेते.
अहेरी : तालुक्यातील आलापल्ली येथील एका बियाणांच्या गाेदामावर छापा टाकून पोलीस व कृषी विभागाच्या भरारी पथकाने २३ लाख ६४ हजार रुपये किमतीचे अनधिकृत बीटी कापूस बियाणे जप्त केले. आठवडाभराआधी चामोर्शी तालुक्यातूनही बीटी बियाणे जप्त केले होते. यामुळे या भागात मोठ्या प्रमाणावर बीटी बियाणांचा काळाबाजार सुरू असल्याचे दिसून येत आहे.
आलापल्ली येथील तुकाराम पेरगुवार यांच्या घरी असलेल्या गाेदामात हे प्रतिबंधित बियाणे ठेवले असल्याची गाेपनीय माहिती कृषी विभागाच्या अधिकाऱ्यांना मिळाली होती. त्यानुसार पाेलीस विभागाच्या मदतीने कृषी विभागाच्या अधिकाऱ्यांनी धाड टाकली. त्या गाेदामात २ हजार २७० पाकिटे कापूस बियाणे व ३५० किलाे खुले बियाणे आढळून आले. शासकीय दराने त्यांची किंमत २३ लाख ६४ हजार ४७२ रुपये हाेते.
कृषी विभागाच्या अधिकाऱ्यांनी या बियाणांचे निरीक्षण केले असता, एकाही पाकिटावर परवाना, लॉट क्रमांक, दिनांक याचा उल्लेख आढळून आला नाही. त्यानुसार तुकाराम पेरगुवार, त्यांचा जावई दामाेदर झाडे व ज्याने बियाणांचा पुरवठा केला त्याच्याविराेधात भादंवि कलम ४२०, महाराष्ट्र कापूस बियाणे कायदा २००९, पर्यावरण संरक्षण कायदा १९८६ मधील तरतुदींनुसार तक्रार दाखल करण्यात आली आहे.
या प्रकरणातील मूळ आरोपींचा शोध घेऊन त्यांच्यावर कारवाई करण्याचे आव्हान पोलिसांपुढे निर्माण झाले आहे.
ही कारवाई कृषी विभागाच्या तालुका भरारी पथकाचे प्रमुख तालुका कृषी अधिकारी संदेश खरात, कृषी अधिकारी प्रदीप राऊत, कृषी सहायक किरंगे, काेवासे, सहायक पाेलीस निरीक्षक शिंदे, पाेलीस उपनिरीक्षक शेडगे यांच्या पथकाने केली.

चोरट्या मार्गाने होते आयात
जिल्ह्याच्या दक्षिण भागात कापसाचे उत्पादन घेतले जाते. त्यामुळे दक्षिणेकडील शासनाने प्रतिबंध घातलेल्या जनुकीय सुधारित बियाणांची (एचटीबीटी) अनधिकृतपणे विक्री वाढली आहे. यामुळे शेतजमिनीचा ऱ्हास होत असल्यामुळे हे बियाणे वापरण्यास मनाई करण्यात आली आहे. तरीही चोरट्या मार्गाने काही व्यापारी हे बियाणे विक्रीसाठी आणत आहेत.

---

Share to ....: 453    

Most viewed

• India’s cotton panel CCPC estimates higher crop, export and consumption
• महाराष्ट्र की इस मंडी में 8300 रुपये क्विंटल हुआ कॉटन का दाम, क्या कह रहे हैं किसान
• Picking underway for Australian cotton with above average crops expected: Cotton Australia
• Godrej Agrovet’s crop protection biz unit launches pilot to reach out to cotton growers
• स्पिनिंग मिलों की मांग बनी रहने के  कारण नरमा कपास में आई तेजी
• Cotton Dropped On Profit Booking After Prices rose As US Has Lower Ending Stocks
• Cotton price surge to make Pakistani products less competitive globally
• Textile Associations Urge Intervention On CCI Cotton Trading Policies
• दाम कम होने के कारण सीसीआई को कपास बेचने में रूचि नहीं दिखा रहे क्षेत्र के किसान
• किसानों से दगा- कपास की न्यूनतम समर्थन मूल्य पर खरीद के नाम पर खानापूर्ति