Vadodaraના વાઘોડિયામાં કમોસમી વરસાદ; ડાંગર, કપાસ સહિતના પાકો નિષ્ફળ જતાં ખેડૂતો થયા ચિંતિત

વડોદરા જિલ્લાના વાઘોડિયા પંથકમાં ફરી એકવાર કમોસમી વરસાદની શરૂઆત થતાં ખેડૂતોની ચિંતામાં મોટો વધારો થયો છે. બપોર બાદ અચાનક વાતાવરણ પલટાયું હતું અને ગાજવીજ સાથે ધોધમાર વરસાદ વરસ્યો હતો. -

---

November 02, 2025 વડોદરા જિલ્લાના વાઘોડિયા પંથકમાં ફરી એકવાર કમોસમી વરસાદની શરૂઆત થતાં ખેડૂતોની ચિંતામાં મોટો વધારો થયો છે. બપોર બાદ અચાનક વાતાવરણ પલટાયું હતું અને ગાજવીજ સાથે ધોધમાર વરસાદ વરસ્યો હતો. જેના કારણે રોડ-રસ્તા પર પાણી વહેતા થયા હતા અને જનજીવન પ્રભાવિત થયું હતું. કમોસમી માવઠાના કારણે સૌથી મોટી અસર ખેતીના પાકો પર પડી છે. વાઘોડિયા પંથકના ખેડૂતોએ ભારે મહેનતથી ઉગાડેલા ડાંગર, તુવેર, કપાસ અને દિવેલા સહિતના પાકોને આ સતત વરસતા વરસાદથી વ્યાપક નુકસાન થયું છે.

વરસાદને પગલે રસ્તા પર પાણી વહેતા થયા
ઘણા ખેતરોમાં તૈયાર થયેલો પાક લણણી માટે તૈયાર હતો અથવા ખુલ્લામાં પડ્યો હતો. જે વરસાદી પાણીમાં પલળી જતાં નિષ્ફળ જવાની આરે છે. ખેડૂતોના જણાવ્યા મુજબ ડાંગરના પાકને સૌથી વધુ નુકસાન થયું છે. કારણ કે પાણી ભરાઈ જવાથી છોડ નમી ગયા છે અને પાકને બચાવવો મુશ્કેલ બની ગયો છે. કપાસ અને તુવેરના પાકને પણ મોટું નુકસાન પહોંચ્યું છે. સતત કમોસમી વરસાદના કારણે ખેડૂતોની આર્થિક સ્થિતિ કફોડી બની છે.

ડાંગર, તુવેર, કપાસના પાકો વરસાદથી નિષ્ફળ
જગતનો તાત હવે સરકાર સમક્ષ સહાય માટે આશા રાખીને બેઠો છે. વાઘોડિયામાં બપોર પછી વરસાદ શરૂ થતાં વાતાવરણમાં ઠંડક પ્રસરી ગઈ હતી. પરંતુ ખેડૂતો માટે આ ઠંડક રાહત નહીં પણ આફત લઈને આવી છે. રોડ-રસ્તા પર પાણી વહેતા થવાથી વાહનચાલકોને પણ મુશ્કેલીનો સામનો કરવો પડ્યો હતો. ખેતીના પાકો નિષ્ફળ જવાથી ખેડૂતો હવે સરકાર દ્વારા ઝડપી સર્વે કરીને યોગ્ય વળતર ચૂકવવામાં આવે તેવી માંગ કરી રહ્યા છે.

---

Share to ....: 25    

Most viewed

• ICAR- CIRCOT becomes Approved Assayer of MCXCCL for Quality Analysis of Cotton Bales
• Indian Cotton Exports Soar: Projections Reach 22-25 Lakh Bales for 2023-24 Season
• Godrej Agrovet’s crop protection biz unit launches pilot to reach out to cotton growers
• India’s cotton panel CCPC estimates higher crop, export and consumption
• जिरायती कापसाचे पीक यंदाही तोट्यातच
• Cotton Declined After CCPC Increased Crop Production For The Current Season
• Cotton production report 2024 – कॉटन के उत्पादन अनुमान में 5.30 फीसदी की बढ़ोतरी, 309.70 लाख गांठ की उम्मीद
• CAI expects 36.5 pc dip in cotton exports to 18 lakh bales in 2024-25 on lower output
• Picking underway for Australian cotton with above average crops expected: Cotton Australia
• यंदाच्या हंगामात 25 लाख क्विंटल कापसाची आवक, कोणत्या बाजार समितीत किती आवक?